Cameroun : apa’té, pa’ me tonlè tribalisme la, apikè ala’ zimpè tè pii.

#Komiaza.com - Foufuet yisi tchiè kamalun a yi me kapte meneuk ebo apike a alah zimpè. Fufuet mett asi ebin jitè puo meleke. Atedzii eguiaha. Anu bo lezii te agho egou’ meguim taha et dzapa.

Aleghezi emoh ndeke, a ti nwa’ne abu pangoup franci et deu a teuwou guè puo meleke sigo atoo yi teu melan’ a kamalun. Edoko guè tô mett azè te to ebo a kamalun agho lebo’on nang.

Alegoo paha tè me ghe zoko, agho ne 1990, Moho Joseph Owona a chouon abu metsu mekeu eguè tè ngnin meleke a tchiè a nwet kamalum, me ma’ mok gnin yi a chii a chii. A leleu pup ala’ jouh, awo kego ako?

Alah ledjou’, etchieu egoum. A Yaundè lok vène ekowu tè melah gue jio ndekné anu mett. Me leknè ane akem ‘ejie. Melami a zen bouè’net. Ngopna si tchitè noumett e’dantè paha, aghoyi edem aghotewu ebo ate la la’an.

Pè pin juo mo anu jo : Me kenan te to’on asa’né lelok biè nwet kamalun. Meli ngnin yi anan aji yi moho Paul Biya agho na’an woula. Po tchountè asa’né mette: meliè Elecam eghiè Conseil constitutionnel, pô ghè tè moho Maurice Kamto aghozi wu kèlè. Edza’ lezen ti.

Ebaaté, megho duala, emo’ nwet siku anon daa echuon alah leghè epuo duala si taka siku zi eguè a sigi adèkè. Akegho tè mba’gning a tii kete guia bum oho Nzui Manto. Eguè yi te adèkè, y gho ebouh. Yi gho bouh tè me fa’ jio.

Epô memia, Yi gho ebouh, a te adèkè. Ebo azen chun’nè zi tezatia.Ebouh a te mo’ lo’ wè. Edèkè a wuè lo’. Agho zèè ? Meghan choun alah jou’. Meleke legha abu puomenon ? Pô lefvè men wuo gnin ? Tè megho baha nging pa’mè lè ?

Edeunte eyi a pa’té mett akebin tsiiwou, edem agho tewu ebo alah kamalun ate lantè. Ebo meghe ziè mo’ ba’ha’bah ebo puo tepong, meseta, po loko puomenon tan essa, metson nkap, me kougni, ebo me chi ghe ziè mo ba’ha’bah ebo pouo mett nen emok’ alah.  

MOMOKANA men LA’AJUH