Mba kwet atsang kelo epokieu gninon keupia ane mefah kwite.

#Komiaza.com - Mba kwet atsang, pa’ nwet alè moho Jacquis Kemleu Tchabgou, e kelok meghan siku ke’eupia ane legho’ mefah kwite.

Meke ghapté pokieu met tè p gho tsô me camp metaa : po jiok jih, po sok meguia, po kô mven, eghie po ghok bielo.

Moho Jacquis Kemleu Tsabgou po me tchiô mi e tonhon pokieu puo met paha edoko faha aleghè pô ghok dok kuite alah, mè pin guiè wop nkap po lok tcuntè pien siku.

Pô lezii ane lihi tsop levuo meghim bia elah gio tetiè ane lihi taa ane messan levuo. Afah met sit’oko bohon. Pimpè si jiô pa’ me mezèhè sina’ dzen dane pup eguia’a.

Mefak kwite esigo etsi zi eba kwet atsang a lo dzine wokieu a lelok nen touzop ane lekwet lah. Mela’mi mè legue ngning naan azine a ghok me fah alah. Achi’ zô powo me kwi lah’e ?

Emo’ pokieu wu, me ma’ keu pè a lelok etso’ epuo pi po ghok, pô gho meghan asiku, e bin bu te pèté. Tedajio me ton medzen messo mop, to too tem peh edzii lessèhè nwet nket atsang. Po pin’hè ésèhè yi paa ebo ake ma’ keu abu alah.

MOMOKANA men AL’AJOUH